Loyihalar

Biz qurgan tizimlar

20+ loyihadan mijozlar ochiq koʻrsatishga ruxsat berganlari. Qolganlari maxfiylik kelishuvi ostida.

Asosiy loyiha

Goodwell doʻkonlar tarmogʻi

Goodwell bilan bir nechta loyiha qildik va hozir ham qoʻllab-quvvatlaymiz. Biz haqimizda Goodwell’ning oʻzidan soʻrashingiz mumkin.

  1. 01

    Biznes tizim

    Doʻkonlar tarmogʻi uchun maxsus biznes tizim. Biz qurdik va qoʻllab-quvvatlaymiz.

  2. 02

    Mobil ilova

    Goodwell uchun qurgan va qoʻllab-quvvatlayotgan ilovamiz.

Oʻz mahsulotimiz

EasySale

Chakana savdo uchun ERP/POS tizimi: savdo, ombor va filiallar. 10+ doʻkonda ishlaydi.

Doʻkonlar uchun kassa va ombor tizimi. Kassada sotilgan har bir tovar omborda oʻzi kamayadi, kunlik hisobot esa oʻzi tayyor boʻladi.

Kichik doʻkonda savdo daftarda yoki Excel’da yoziladi: qoldiq taxminan bilinadi, tovar tugaganini kech sezasiz, kim qancha qarz ekani esa daftarda qoladi.

easysale.uz
EasySale: kassa ekrani va chek
  1. 01

    Kassa

    Sotuv bir necha bosishda, chek printerdan chiqadi; naqd va karta alohida hisoblanadi.

  2. 02

    Ombor

    Qoldiq har bir sotuvdan keyin kamayadi. Nimani qayta buyurtma qilish kerakligi roʻyxatda tayyor.

  3. 03

    Filiallar

    Bir nechta doʻkon bitta akkauntda: tovarni doʻkonlar orasida koʻchirasiz, har birining qoldigʻi alohida.

  4. 04

    Xodimlar

    Har bir sotuvchining savdosi va huquqlari. Pro’da «Tarix»: kim nimani qachon oʻzgartirgani.

  5. 05

    Hisobotlar

    Savdo, ombor va mijozlar boʻyicha kun, hafta va oy kesimida.

  6. 06

    Nasiya va keshbek

    Mijoz va yetkazib beruvchi qarzlari, akt sverka. Pro’da doimiy mijozlarga 2% keshbek.

Kompyuterda va telefonda, brauzer orqali (telefonga ilova sifatida oʻrnatsa ham boʻladi). Shtrix-kod skaneri va 80 mm chek printeri bilan ishlaydi.

Oʻz mahsulotimiz

Ustaxona

Ta’mirxonalar uchun bitta ilova: buyurtmalar, mijozlar va qarzlar bir joyda, mijoz esa ta’mir holatini Telegramda kuzatadi. Bitta ustaxonada 3 ustagacha bepul.

Har qanday ta’mirxona va servis markazlari uchun platforma: telefon, noutbuk, avtomobil, kir yuvish mashinasi, konditsioner va boshqalar.

Koʻp ustaxonalar hali ham daftar va telefon bilan ishlaydi. Buyurtmalar yoʻqoladi, kim qarz ekani esdan chiqadi, mijozlar esa qayta-qayta qoʻngʻiroq qiladi: “Tayyor boʻldimi?”

app.ustaxona.uz
Ustaxona: buyurtmalar roʻyxati, kompyuterda va telefonda
  1. 01

    Aniq qadamli buyurtmalar

    Qabul qilindi → ta’mirlanmoqda → tayyor → topshirildi. Har bir oʻzgarish buyurtma tarixida saqlanadi.

  2. 02

    Telegram xabarlari

    Mijoz botga raqamini bir marta yuboradi va har bir holat oʻzgarishida xabar oladi.

  3. 03

    Mijozlar va balans

    Buyurtmalar, toʻlovlar va qarz bitta sahifada; qarzdorlar alohida roʻyxatda. Balans yozuvlardan hisoblanadi, qoʻlda kiritilmaydi.

  4. 04

    Ishlar va qismlar

    Summa bajarilgan ish va qismlardan hisoblanadi. Katalogda 14 toifa, ~930 brend, ~5400 model va ~5100 qism turi.

  5. 05

    Hisobotlar

    Kun, hafta yoki oy boʻyicha buyurtmalar, pul va eng koʻp ketgan qismlar; muddati oʻtganlar bir qarashda.

  6. 06

    Jamoa va baholar

    Ustalar havola orqali qoʻshiladi (3 kishigacha bepul), kim qabul qilgani va topshirgani yoziladi. Mijoz xizmatni Telegramda 1–5 bilan baholaydi.

Kompyuterda va telefonda (telefonga ilova sifatida oʻrnatiladi). Mijoz xabarlarni Telegramda oladi. Oʻzbek va rus tillarida.

Texnologiyalar: Python · FastAPI · PostgreSQL · aiogram 3 · React · TypeScript · TanStack · Next.js

Internet doʻkon

midea-kitchen.uz
Midea Kitchen: Midea oshxona texnikasining Oʻzbekistondagi internet doʻkoni.

Midea Kitchen

Internet doʻkon

Midea oshxona texnikasining Oʻzbekistondagi internet doʻkoni.

tech-vision.uz
TechVision: Kompyuter doʻkoni va servis markazi uchun internet doʻkon: noutbuk, kompyuter, printer va kuzatuv kameralari katalogi, savatcha va servis boʻlimi.

TechVision

Internet doʻkon

Kompyuter doʻkoni va servis markazi uchun internet doʻkon: noutbuk, kompyuter, printer va kuzatuv kameralari katalogi, savatcha va servis boʻlimi.

Sizga ham shunday tizim kerakmi?

4 ta qisqa savolga javob bering, narx va muddatni aytamiz.